طريقة عمل الدنش والباتيه بوصفة سهلة

مقادير عجينة الدنش والباتية

• 6 كوب دقيق( كيلو دقيق أبيض خاص بالمعجنات ).
• نصف ملعقه ملح كبيرة.
• ملعقة سكر كبيرة.
• وملعقة لبن بودرة كبيرة.
• ملعقة كبيرة خميرة جافة.
• كوب لبن دافى.
• عدد 3 بيضه.
• وربع كوب زيت. 
• كيس بيكنج بودر.
• 2 علبة زبادى.
• 3 ملعقة خل كبيرة.

طريقة عمل العجينة

• هنحط المكونات الجافة كلها على بعض ونخلطها ( الدقيق، السكر، الملح، كيس لبن بودره، كيس بيكنج بودر). 
• فى المية أسكب الخميرة والسكر وماء دافئ قليلا وأسيبهم يخمرو مع بعض.
• وبعد كدة نصب عليها اللبن والبيضة ونعجن القليل بالقليل.
• ونحط الزيت واللبن حبة بحبة ونعجن جيدا لمده لا تقل عن ١٠ دقائق.
• حتى نصل إلى أن تكون مبتلزقش نزود لبن لو حسينا انها محتاجة تتلم.
• ندهن بين الطبقات زبدة.
• تفردى العجينة كويس وتقسميها دواير وتدهنى زبدة وتشكليها وردة لدنش.
• ولو باتيه هتفردى العجينه كلها كبيرة خالص وتحشيهاا جبنة وتلفى بقى رول هيبقى طبقات وبعدين تقطيها باتيهات صغيرة بالسكينه، حتى تصلى الى 7 أو 8 طبقات، وتغطيها وتدخليها الثلاجة، وتعملى نفس الطريقة مع كل الكور المخصصة لعمل الباتية.
• بعد ما أخرج أول طبق من الثلاجة أبتدى فى الفرد حتى يصل سمكة الى نصف سنتى ,اعملها دايرة كبيرة وأقطعها زى البيتزا، أعملها مثلثات وأجى من الطرف أعمل فتحة صغيرة للحشو، وأبتدى من عند الجزء اللى فتحتة ألف رول، وأشد الطرف أخلية يبقى لتحت، ثم أقوم بالرص على صينية مدهونة بالزيت وأسيبها تخمر شوية.