القراقيش عموما موجودة فى كل بيت مصرى حيث أن أكثر البلاد حبا فيها هى البلاد العربية، بالأضافة الى أن القراقيش على عكس الكعك والبسكوت فهم مرتبطين بالأعياد والمناسبات أما القراقيش فنستمر بعملها طول السنة، الكثير من الأمهات تقوم بالأتفاق مع أحدى الأفران لعمل كميه مناسبة لأحتياجتها، ولكن النهاردة هنقولكو أزاى تقدرو تعملو كل الكمية التى تحتاجى اليها فى المنزل وبنفس الطعم والرائحة الافران المخصصة لأعدادها، دا غير أنها هتكون أقتصادية وموفرة أكثر بكثير، يعنى معجنات أقتصادية وعلى أد الأيد، بعد الوصفة الى هتتعرفى عليها هتقدرى تفطرى كل يوم أولادك مقرمشات جميلة، كمان ممكن يأخذوها فى اللانش بوكس المدارس فهى جافة وسهل أنك تحطيهالهم مع أى نوع من أنواع العصير، تحتوى المقرمشات على العديد من المواد الغذائية الضرورية للجسم، ومن خلال هذا الكقال سنتعرف على طريقة عمل القراقيش السادة وبالعجوة بوصفة سهلة وبسيطة، ومن خلال موقع وصفتك ستتعرفى على جميع وصفات المأكولات المختلفة وكمان الحلوى الشهية والجميلة.
مقادير المقرمشات
- كيلو دقيق منخول ( 6 أكواب دقيق خاص بالمعجنات ).
- نصف كيلو زبدة على زيت او سمنه على زيت يعنى ٢ كوب.
- ربع كوب ماء دافىء.
- ١ كوب ماء دافىء للعجن.
- ٣ ملاعق كبار لبن بودرة ( كيس لبن بودرة ).
- ٣ ملاعق سمسم محمص.
- معلقة كبيرة شمر على يانسون أو كمون.
- ملعقة يانسون.
- رشة ملح.
- ١ باكو بيكنج بودر.
- ١ باكو خميرة فورية.
- معلقة ونصف كبار سكر.
- ملعقة صغيرة شمر مطحون.
الطريقة عمل قراقيش العجوة
- نختبر الخميرة فى ربع كوب ماء دافىء مع السكر ونسيبها على جنب، نضع فى بولة المكونات الجافة كلها على بعض.
- وإذا حتقسمى العجينة جزء حلو وجزء حادق يبقى تكتفى باليانسون فقط مع الشمر لكن لو حادق بس يبقى يانسون أو كمون والاحلى كمون ونخلطهم كويس.
- نضع السمنة أو الزيت على الدقيق ونشربهم كويس جدا لحد ما يختفى اثر الدقيق.
- نضع الخميرة اللى اختبرنها ولازم تكون تفاعلت وعليت ونقلب كويس ثم نضع كوب الماء الدافىء بالتدريج ونعجن كويس جدا حتى تصل الى أن تكون عجينة لينة معايا واقدر اشكلها.
- نتركها تخمر ساعة ونصف تقريبا.
- ثم اطلعها افردها بالنشابة أو بإيدى واشيل الزيادات عشان تبقى شكل مستطيل وأقطع عادى بالسكينة أو قطاعة البيتز الحجم اللى انتى عايزاه.
- أذا قررتى أن تعمليها بالعجوة أحضرى ربع كيلو عجوة غامقة نوع كويس وطرى.
- ثم قومى بدهنها بمعلقة سمنة أو زبدة حتى تكون طرية جدا معايا.
- افرد العجينة على شكل مستطيل كبير وضعى جزء جزء من العجوة على النصف الأول من العجينة وابطط بإيدى.
- الجزء التانى من العجينة اتنيه على الجزء اللى فيه العجوة وأقطع بالطريقة اللى تحبيها طويل قصير.
- ندهن الصوانى نقطة زيت واسيبها تخمر فى الصوانى مش كتير.
- قمى بتشغيل الفرن من الاول واحطهم على الرف اللى فى الوسط.
- بعد تمام التسوية أخرجهم من الفرن.
تعليقات: 0
إرسال تعليق