طريقة عمل شوربة العدس المصرية

شوربة العدس من الاكلات المستمرة معانا طول فصل الشتاء لأنها بتبقى دافية وطعمها مميز وبيحبها عدد كبير جدا من الناس الأطفال والكبار، حيث أنها تجلب اليك شعور الراحة والدفء فيفضلوها ربات البيوت فى فصل الشتاء، النهاردة هنعرفك أاى تعملى شوربة العدس الأصفر بطريقة سهلة وبسيطة ومميزة وطعمها بجد خطير ورائحة مميزة وجميلة، أهم حاجة لما تتعرفى على وصفة جديدة غير المعتادة هى أنك تقومى بتنفيذ كل الخطوات والمقادير بنفس الطريقة المذكورة وبنفس الترتيب حتى تنتجة وجبة مميزة، شوربة العدس وجبة غير مكلفة ومكوناتها أقتصادية جدا يعنى حتى لو مش موجودة تقدرى تجيبى كل المقادير بسهولة، ومن خلال هذا المقال هتتعرفى على طريقة عمل شوربة العدس بوصفة سهلة وسريعة، ومن خلال موقعنا موقع وصفتك سنتعرف على جميع الأكلات الشرقية والغربية وايضا الحلويات.

مقادير عمل شوربة عدس مصرية

• كوب من العدس الأصفر.
• 2 بصلة متوسطة وتقطيعها صغير.
• 2 حبات من البطاطس المتوسطة الحجم.
• أربع حبات من الجزر.
•  معلقة صغيرة من الكمون.
• معلقة صغيرة من الملح.
• معلقة صغيرة من الفلفل الأسمر.
• مكعب كارى ( مرقة دجاج ).
• لتر من الماء المغلى.
• معلقة صغيرة من الكركم.

طريقة تحضير شوربة العدس

• أغسلى العدس جيدا حتى يتم تنظيفة من أى شوائب موجودة به، ثم قومى بتقطيع البطاطس قطع صغيرة مربعات.
• قومى بتقشير البصل وأفرمية.
• ضعى أناء على النار وضعى به ثلاث معالق من الزيت، ثم ضيفى العدس والجزر ومكعبات البطاطس والبصل والكركم.
• قومى بأضافة الماء لسلق المكونات السابقة جميعها.
• تظل على النار لمدة ساعة الا ربع تقريبا ثم تقومى بأنزالها من على النار.
• أنتظرى حتى تبرد ثم أخلطى جميع المكونات فى الخلاط وبعد خلطها ضعيها فى وعاء على النار مرة أخرى.
• ضيفى جميع البهارات حسب الرغبة وقومى بالتقليب جيدا. 
• ضعيها على النار لمدة 5 دقائق ثم قومى بتقديمة ساخن.